Egrikalsa long Papua Niugini

Egrikalsa long Papua Niugini i gat moa long 7,000 yia olpela histri, na i kamap long ol pasin bilong bungim na planim ol diwai/kaikai bipo long taim bilong egrikalsa. Nau yet samting olsem 85% bilong populesen bilong Papua Niugini i save wok long semi-sabsistens egrikalsa. 86% bilong olgeta kaikai we ol i save yusim long Papua Niugini em i kam long ples.

Papua Niugini i save kamapim na salim ol samting bilong egrikalsa, timba, na pis i go aut. Egrikalsa long 2017 i bin kisim 22.1% bilong GDP na i bin sapotim moa long 80% bilong populesen. Ol 'cash crops' we ol i makim long pe bilong en em kopi, oil, kakao, kopra, ti, raba, na suga. Timba indastri i no bin wok long 1998, bikos prais bilong ol samting i go daun long wol, tasol i bin kirap gen long 1999. Samting olsem 40% bilong kantri i gat planti diwai i karamapim, na wanpela indastri bilong wokim diwai long kantri i no bin kamap isi isi. 99% bilong ol pis ol i save salim i go aut em i tuna o tuna baiprodak. Papua Niugini i gat bikpela maket bilong yam long Esia.