Bogenvil
Not Solomons o Bogenvil (Tok Inglis: North Solomons, Bougainville) em i wanpela provins bilong Papua Niugini. Bogenvil provins nau igat sipesol sindaun olsem ol manmeri bilong provins i bosim sampela ol samting bilong gavman bilong provins ol yet. Igat nem otonomos provins (Tok Inglis: autonomous province) bilong dispela, na nem tru bilong Bogenvil nau emi otonomos region bilong Bogenvil. Buka em i kapitol na taun bikpela tumas bilong em, tasol pastaim long pait Arawa emi bin kapitol bilong provins, na nau tu gavman bilong provins itok olsem kapitol bai surik i go long Arawa taun gen.
Long 1966, ol i painim planti gol long Panguna main, tasol planti manmeri i kamap belhat long wanem kampani i rausim planti gol i go na i no givim planti mani long ol lain bilong ples. Olsem na Francis Ona i statim Bogenvil Revoluseneri Ami o BRA, na long 1988 ol i kirapim pait wantaim gavman bilong Papua Niugini. Ol i laik lusim PNG na kamap kantri bilong ol yet. Dispela pait i pinis long 1997 tasol samting olsem 20,000 manmeri i dai pinis long dispela pait.
Long yia 2005 igat nambawan ileksen long gavman bilong Bogenvil yet. Ileksen i makim Joseph Kabui olsem nambawan Presiden bilong Bogenvil provins.
Ol distrik bilong Bogenvil: Buin, Siwai, Bana, Kieta, Torokina, Wakunai, Tinputz, Weskos, Buka, Atolls, na Nissan.
(Dispela pes Bogenvil em i liklik tumas. Yu inap raitim moa sapos yu laik halivim Wikipedia. Hau?)
| |
|---|---|
| Sentral | Isten Hailans | Is Niu Briten | Is Sepik | Enga | Gulf | Madang | Manus | Milen Be | Morobe | Niu Ailan | Bogenvil | Oro | Sandaun | Simbu | Sauten Hailans | Westen Provins | Westen Hailans | Wes Niu Briten | Nesenel Kapitol Distrik | |