Pop Francis

Long Wikipedia
Francis 2014

Pop Francis (long tok Latin, ol i kolim em "Franciscus"), em i namba 266 Papa Santu bilong Katolik Sios. Trupela nem bilong em i olsem Jorge Mario Bergoglio. Mama i karim em long taun Buenos Aires, long kantri Argentina, long 17 disemba 1936. Taim Pop Benedict i tok olsem em i no ken inap long continue olsem Papa Santu, ol kardinal i makim kardinal Bergoglio olsem nupela Pop, na em i senisim nem bilong em Jorge na kisim dispela nupela nem Francis.

Pastaim long em i kamap pris em i bin wok olsem tisa. Em i kamap pater long yia 1969. Em i bin wok olsem Provincial Supiria bilong ol Jesuit Pater long Argentina, na tu em i bin wok olsem rekta bilong planti skul.

Long 20 mei long yia 1991 Pop Jon Pol II i makim pater Bergoglio olsem bisop bilong Daiosis bilong Oca, na tu olsem auxiliary bisop bilong Daiosis bilong Buenos Aires. Long 2001 Pop Jon Pol II i makim em olsem Kardinal bilong Mama Sios, na taim dispela Pop i dai, ol i tok olsem ol i laik makim Kardinal Bergoglio olsem Pop, tasol bihain ol i makim Kardinal Ratzinger, na Kardinal Ratzinger i kamap Pop na kisim nem Benedik 16. Bergoglio em i bin presiden bilong ol bisop bilong Argentina, na long 13 march 2013 ol kardinal i makim em olsem Pop. Em i namba wan Pop bilong ol Jesuit Pater, na em i namba wan Pop bilong America tu.