Taiga

Taiga ( Panthera tigris ) em i wanpela bikpela pusi na em i wanpela bilong lain Panthera we i stap long Esia . Em i gat strongpela bodi we i gat planti masol wantaim bikpela het na lek, longpela tel na orens gras wantaim blakpela mak we i sanap stret. Ol i save putim em i go long 9- pela liklik lain tasol, tasol sampela i save luksave long tupela kain tasol, em ol taiga bilong Esia na ol ailan taiga bilong Sunda Ailan .

Long olgeta hap we taiga i stap long en, em i save stap long ol bus, stat long ol 'diwai koniferas’ na 'No hatpela na no kol biklip' na 'bikbus ol i gat tupela kain bus' long Rasia Fa Is na Not-is Saina i go inap long ol 'tropikal' na 'sabtropikal wetwet biklip' bus long Indian sabkontinent na Saut-is Esia . Taiga em i wanpela 'apex predator' na em i save kaikaim ol animal we i gat kapa long lek han we em i save hait na kisim ol. Em i save stap wanpis na em i save stap long ol teritori i laik muv, na em i save banisim ol long ol narapela taïga bilong wankain seks. Teritori we wanpela man taiga i laik long muv i save karamapim narapela narapela wantaim teritori we planti meri taiga i laik muv tu. Dispela man taiga i laik poromanim ol dispela meri taiga tu. Ol meri taiga i save karim tupela o tripela pikinini we i save stap wantaim mama bilong ol inap long tupela yia. Taim ol i kamap indipenden, ol i save lusim ples bilong mama bilong ol na kamapim ples bilong ol yet.

Stat long stat bilong 20 senseri, ol taiga i lusim 93% bilong ol ples we ol i bin stap long en bipo na ol i pinis olgeta long Wes na Sentral Esia, long ol bikpela hap bilong Saina na long ol ailan Java na Bali . Nau, ples we taiga i save stap long en i bruk bruk tru. Em i stap long lista bilong IUCN Red List of Threatened Species, long wanem, ol i ting olsem mak bilong en i go daun long 53% i go inap 68% stat long pinis bilong 1990s. Ol bikpela samting we inap long bagarapim ol taiga em ol i bagarapim ol ples bilong ol na bruk bruk bikos ol i katim ol diwai, painim abus bilong kisim gras na salim ol hap bilong bodi bilong ol long mekim marasin. Ol taiga tu i save kisim bagarap long pait namel long ol man na ol animal bilong bus taim ol i save paitim na kaikaim ol animal long ol hap we i no gat planti animal bilong kaikai. Lo i lukautim taiga long olgeta kantri we ol i stap long en. Ol nesenel konsevesen wok i gat ol eksen plen, ol 'anti-poaching patrol' na ol skim bilong sekim namba bilong ol taiga. Long sampela kantri, ol i bin kamapim ol 'wailaip karida’ na ol i plen long bringim bek ol taiga.

Taiga em i wanpela bilong ol bikpela animal we planti manmeri i save laikim long wol. Ol i bin holim em long kalabus stat long bipo yet na ol i bin lainim em long pilai long ol 'circus' na ol narapela amamas so. Taiga i bin stap ples klia insait long ol tumbuna stori na stori bilong ol kalsa long olgeta hap bilong en na em i wok long kamap yet long ol kalsa long olgeta hap bilong wol.