Famili

Long Wikipedia
Go stret long: ol bikpela pes, painim
Man wantaim bubu long boi bilong em long Is Niu Briten, Papua Niugini.

Kainkain lain i gat kainkain famili. Long Yurop ol manmeri i sindaun wantaim mamapapa na pikinini long en tasol. Bipo, ol lain Yurop i sindaun long wanpela haus wantaim mamapapa, pikinini, ol mamapapa long mamapapa, braadasusa long en, na bikpela famili i stap wantaim. Long wanim, ol i mas lukautim planti samtin wantaim- ol meri i wok long haus, na ol man i wok long gaden o long bisnis blong en. Nau, i gat planti kainkain famili long Yurop. Meri tasol i sindaun wantaim pikinini bilong en o man tasol wantaim pikinini bilong en. Sapos mamapapa indai pinis, pikinini bilong ol i stap long narapela lain i lukautim en. Sapos mamapapa i save bagarapim pikini na paitim ol, ol lain gavman i tekawe pikini bilong ol nogut lain na givim em long arapela manmeri i mas lukautim gut long en.


Olgeta kainkain lain i gat narapela kain famili, tasol olgeta famiii i gat pasin bilong lukautim meri na pikinini. Long wanwan kantri, ol man i no save sindaun wantaim meri bilong en long wanpela haus- ol brada bilong meri i lukautim dispela meri na pikinini bilong en. Long arapela lain, man i gat planti meri na planti pikinini. Arapela lain tude i no save karim pikinini, longwanim ol i no laik kirapim planti manmeri tumas long Graun. Long PNG famili bilong manmeri i tu lain bilong asples na wantok bilong en.