Grama

Long Wikipedia

Grama i save i lukluk ol pasin yusim wanpela tokples. Insait long tokples i stap sampela loa bilong yusim dispela tokples stret. Ol dispela ol loa ol i kolim grama. Tokples wanpela wanpela i gat grama bilongen yet.

Insait long save grama i gat kainkain save:

  • Ponetikis: save long ol nois bilong tokples (olsem a, e, p...)
  • Ponoloji: save long dispela nois i kamapim wanem insait long het na insait long maus (olsem f i senis inap i kamap p),
  • Mopoloji: save long senis bilong ol vokabelari, o liklik tok (olsem kain i senis inap i kamap kainkain),
  • Sintakis: save long vokabelari i bung inap i kamapim sentens,
  • Semantikis: save long mining bilong tok,
  • Pramatikis: save long pasin yusim tok namel long narapela manmeri i save wankain tok.

Save bilong luklukim grama i wanpela save bilong lingwistikis, o save long olkain tokples.

Lukim tu[senisim | edit source]