Tok Pisin
| Tok Pisin | ||
|---|---|---|
| Tokples istap long | Papua Niugini | |
| Total spikas | 3–4 milien; 120,000 ol netif spika | |
| Famili bilong tokples | Kriol tokples
| |
| Ofisel sindaun | ||
| Ofisel tokples bilong |  Papua Niugini
| |
| Boslain | Nogat ofisel luksave | |
| Ol kod bilong tokples | ||
| ISO 639-2 | tpi | |
| ISO 639-3 | tpi | |
| Dispela pes bai soim sampela ol IPA raitim long soim pasin bilong singaut. | ||
Tok Pisin em i wanpela tokples bilong Papua Niugini. Gavman bilong Papua Nigini i bin makim Tok Pisin olsem wanpela netionel tokples bilong kantri bilong ol. Em i no tokples blong taim bipo, nogat, em i bin kamap insait long 120-pela yia igo pinis. Planti ol hap tok blong Tok Pisin igat as insait long Tok Inglis, Tok Malay na tu long sampla ol wanwan tokples bilong Papua Niugini olsem Kuanua, wanpela tokples bilong Rabaul.
Dispela nem Tok Pisin em i bin kam long Tok Inglis talk (i minim 'toktok') na pidgin (i minim 'toktok ol i yusim namel long ol pipol i nogat wankain tokples'). Sampla manmeri i tingting olsem hap tok pidgin i kamap long hap tok business (i min bisnis) long taim bipo tru.
Tok Pisin em i wanpela tokples bilong Gavman blong Papua Niugini (wantaim Tok Inglis na Hiri Motu). Namba bilong ol lain husait is save yusim Tok Pisin em i antap long 2 milien manmeri insait long Papua Niugini. Ol i yusim Tok Pisin long Haus Palamen, na long lokol gavman, long planti ol Sios, long maket, ol stoa, na tu long sampela elementari skul.
Tok Pisin i helpim tru ol lain bilong Papua Niugini, bilong wanem i gat planti tokples long PNG - moa yet long olgeta narapela wanwan kantri bilong wol.
Tok Pisin, Bislama na Pijin i kam long wanlain. Bislama i stap wanpela toktok bilong Vanuatu, na Tok Pijin blong Solomon Ailans, tasol ol dispela tripela em i narakain liklik long wanwan narapla. Nem bilong narapla toktok husait em i klostu long Tok Pisin em i Torres Strait Creole. Dispela Creole em i toktok ol lain long Torres Strait, Queensland (Kwinslend), Ostrelia ol i save yusim. Tasol em i no klostu long Tok Pisin olsem Bislama na Pijin em i klostu long Tok Pisin.
Lukim tu
[senisim | edit source]- Tok Pisin sait blong Robert Eklund - planti infomesen long Tok Pisin
- PNG sait blong Robert Eklund - planti infomesen long Papua New Guinea
- Mihalic projek - planti manmeri long wol i wokim diksonery long Tok Pisin
- Sintakis (Tok Pisin)
- Tokpisin Grammar Workbook for English Speakers. (Tok Inglis)