Jisas
Jisas i man i stap long kantri Juda (nau Israel) 2000 yia bipo. Nau ol i kolim olsem Jisas Krais(t) o Krais(t) tu.
Stori long Jisas i kam long baibel. Taim bilong laip bilong Jisas, no man o meri i bin raitim stori long en. Man o meri i raitim baibel ol i no bung Jisas. Olrait sampela man o meri ol i tok stori bilong baibel ol i tru, na sampela ol i tok ol i no tru. Sampela i tok sampela pat i tru na sampela pat i no tru.
Laip bilong Jisas
[senisim | edit source]Papamama bilong Jisas ol i bilong lotu bilong Juda, na Jisas i bilong lotu bilong Juda tu. Long dispela taim, man bilong Roma i bosim kantri bilong Juda.
Taim Jisas i gat 30 o 35 krismas em i save wokabaut long kantri bilong Juda na i save skulim pipel long lotuim Got na laikim narapela manmeri. Em i toktok olsem Got em i laikim manmeri, na manmeri i mas laikim Got na i mas laikim wanpela narapela.
Long baibel ol i tok olsem Jisas i save wokim gutpela masik olsem kamapim planti pis long baskit, tanim wara igo long wain, rausim sik long manmeri i gat sik lepa, mekim manmeri i dai pinis na ol i gat laip gen.
Olrait Jisas i kamap femas na em i go long Yerusalem. Tasol ol bos bilong Juda na ol gavman bilong Roma ol i fret Jisas i kamap bikpela bos bilong olgeta man o meri bilong dispela kantri. Olrait ol i nelim Jisas long kros na ol i letim hia inap taim long i dai pinis. Long dispela taim, dispela we long kilim man i dai pinis, gavman bilong Roma ol i yusim tumas.
Taim Jisas i dai pinis pren bilongen ol i planim long hul insait long ston. Tasol sampela de bihain bodi bilong Jisas i no stap long hul yet. Sampela i tingting Jisas i got laip gen na i save go long heven.
Lotu
[senisim | edit source]Man o meri husat i tingting Jisas i got laip gen ol i kolim Kristen. Kristen i tingting em i tru, olsem Jisas em Got i kam long graun.
Planti man o meri i no Kristen, tasol ol i tingting Jisas i bin toktok planti gutpela samting, na Jisas i bin skulim planti gutpela pasin.