Templet:Karen afeas/Bifo 2007 07
Holim "Karen afeas" long Julai 2007
[edit source]
Strongpela guria aninit long si long Indonesia
[edit source]Wanpela strongpela guria ibin kamap long Lampung provins bilong Indonesia, tasol ino gat iet ripot long pipal na ol samting ibin kisim bagarap. 'Meteorology and Geophysics Agency' bilong Indonesia itok, strong bilong guria i-kamap long sikis na ikamap long 'southwest' long nambis long Lampung na long 50-kilomitas aninit long si. M na G agensi itok, ol ibin pilim dispela guria, tasol nogat ripot long bagarap na ino nap kamapim "tsunami".
Indonesia i bin kisim bikpela bagarap bihainim guria em ibin kamapim tsunami long Desemba, 2004 we i-kilim samting olsem wansiksait-tausen pipal long Aceh provins na planti tausen mo raun long Indian Osin.
Transparency International i-tok ol PNG votas i-laikim pei pastaim long putim vot
[edit source]Man bilong 'Transparency International' long Papua New Guinea i-tok, ol pipol em bai oli vot long nasinol eleksen long kantri iwok long laikim bai ikisim moni long vot bilong ol. Was dok bilong korapsan itok, ol gris pasin istat long sampela or liklik mak bilong dola igo long planti tausen dola. Richard Cashman bilong Transparency International i tokim Radio Australia, "Pacific Beat Progrem" olsem, baim vot ibrukim lo long Papua New Guinea, tasol sampela foa milian vota bai kisim ofa bilong baisikal na ol soing masin.
"Even the MPs with the best of intention, with high level of integrity, would be under pressure from their campaign managers, who are the people out in the street, who would be saying to their candidates, if you want a change you have to play on this field. If you analyse this previous election and recent by-elections there were plenty of people who dropped out in the middle of the race, and there were people who clearly said they are not going to participate in these corrupt means."
Poling bai stat tumoro na pinis long July 10th.
Fiji President imas kisim bek long wok Jastis Daniel Fatiaki
[edit source]Wanpela petisen nau oli wok long salim namel long ol loya b'long Fiji, ibin askim long President b'long kantri, Ratu Josefa Iloilo,long bringim bek long wok, Chief Jastis em ibin bungim sasepsen, Jastis Daniel Fatiaki. Na dispela peitisen tu ibin askim long oli mas rausim ekting Chief Jastis, Anthony Gates, em ami ibin makim. Kopi b'long petisen, em igat date long en 27 blong mun Jun, ibin tok bringim bek Jastis Fatiaki bai bringim bek 'confidence' oa bilif long 'judiciary', na bai mekim dispela tingting long igo hed long makim ol gutpela ol jadge b'long Ostrelia na Niu Seelan long igo kisim wok long Fiji.
Dispela petisen igo hed na itok, inogat wanpela sas yet oli putim agensim Jastis Fatiaki, i tru em ibin stap saspensen inap nau klostu sikispela mun. Sinia Fiji loya, Hemendra Nargin, ibin tokim "Pacific Beat Program" b'long Radio Australia olsm moa long faivpela-ten ol loya ibin sainim pinis dispela petisen.
"Things are not very usual in Fiji, and our concern is that we must maintain the rule of law and for that we need the best judges available. And if we don't have the Chief Justice back then that's not possible."
Tasol, inerim 'Attorney General' b'long Fiji, Aiyaz Sayed Khaiyum, ibin askim ol tingting bihain long ol dispela disisen we ol loyas ibin traim long kisim bek chief jastis Faitiaki. Emi tok "liklik namba" blong ol loyas em oli stap insait long dispela petisen, igat arapela kain tingting istap, maski long dispela tingting oli wok long strong long en olsem i b'long strongim gutpela neim b'long judiciary.
Wok painim long ol graun long Guadalcanal bai stat mun Septemba
[edit source]Wanpela wok painim ilukluk long ol pasin bilong givim ol graun long Solomon Ailans na ol properties em pipol ilusim ol oa bagarap nau istap nating, iluk olsem bai oli girapim long mun Septemba. Solomon Star niuspepa ibin ripot olsem Sam Alasia, siaman bilong stiaen komiti em bai statim ol bikpela tingting bilong dispela Komisin ov 'Inquiry', ibin tok ating ol saveman blong autsait bai stap insait long en olsem ol memba blong komiti. Emi tok oli bin givim ol tupela mun long painim tingting na lukluk gut long ol bikpela tingting blong komiti pastaim long oli makim ol memba blong komiti.
Mista Alasia ibin tok komiti b'long em ibin holim tenpela miting pinis wantaim ol 'executive' b'long Malaita na Guadalcanal, long wei oli laikim komisin bai mekim wok blong em, kain wok em bai mekim na tu wanem ol tingting emi gat. Dispela wok painim bai lukluk long "land dealings" long Guadalcanal pastaim long yia 1998, na bai lukluk tu long ol samting oa property em oli bin bagarap long taim b'long ol trabel ibin kamap autsait long Honiara.
Hawaii lab winim TB-testing kontrak bilong Pasifik
[edit source]'Medical Testing Laboratory' long Honolulu iwinim wanpela kontrak wantaim 'US Centres for Disease Control na Prevention' bilong karimaut ol 'tuberculosis testing' long Sout Pasifik. Dispela 'Diagnostic Laboratory Services' bai wok wantaim Micronesia, Marshall Ailans, Amerikan Samoa na ol narapela Sout Pasifik eria bilong apim ol wok gut bilong painim, luksave na kontrolim sik long TiBi.
Namba bilong pipal isave kisim sik TiBi inamel long 100 na 300 pipal namel long 100-tausen pipal long ol Sout Pasifik ailans. Aninit long dispela kontrak, Diagnostic Laboratory Services bai jonim wantam tu "Pacific Island Health Officers Association" bilong givim 'training' na givim 'test' long save bilong ol pipal iwok long laboratory. Labaratory igat ol ofis long Hawaii, Saipan na Guam.
Klostu foa million ivot long PNG eleksen
[edit source]Long wankain taim, klostu foa million ol eligible pipol nau oli ting bai igo vout long nasinel eleksen tumoro long Papau Niugini.
Post Courier niuspepa ibin kisim toktok b'long Elektoral Komisina blong Papua Niugini, Andrew Trawen, na ibin tok olsem Elektotal Komisin na ol lain sekuriti fosis iredi long mekim wok b'long ol. Rekot b'long Elektoral Komisin ibin soim olsem moa long 3.9 million pipol b'long Papua Niugini,ibin putim neim b'long ol pinis long igo vot long eleksen em bai stat tumoro na bai pinis long Julai 10.
Mista Trawen ibin tok 7.9 million ol 'ballot' pepa oli printim ol pinis na salim ol aut igo long olgeta provins. Moa long tu-tausen 759 ol kandidates, wantaim tu 101 ol meri, iwok long traim winim 109 ol provinsel na 'open elektorate seats' long palimen.
PNG Difens Fos painim ol Jemen soldia
[edit source]Papua Niugini Difens Fos nau ipainim ol Jemen soldia nau ioporet long Highlands. Nesinal Niuspepa i ripot olsem, oli wari olsem sampela long ol Jemen soldia bai nap wok bilong halivim sampela kendidet long winim ol sit long ol eleksan long wiken. Niuspepa i tok, ol sinia ofisa bilong PNG Difens Fos, husat i lukautim sikiuriti oporesans long Highlands, i tokaut stret olsem oli stap was long ol Jemen soldia. Tasol ol ofisa i tok, ol ino save long namba bilong ol or wanem hap oli wok long en.