Tok Pisin

Long Wikipedia
Go stret long: ol bikpela pes, painim
Tok Pisin
Tokples istap long Papua Niugini
Total spikas 3–4 milien; 120,000 ol netif spika
Famili bilong tokples Kriol tokples
Ofisel sindaun
Ofisel tokples bilong Plak bilong Papua Niugini Papua Niugini
Boslain Nogat ofisel luksave
Ol kod bilong tokples
ISO 639-2 tpi
ISO 639-3 tpi

Tok Pisin i stap wanpla tokples na toktok long bung blong Papua Niugini. Em i no tokples blong taim bipo, em i kamap insait long en 150 yia igo pinis. Planti ol hap tok blong Tok Pisin igat as long Tok Inglis, Tok Malay na long sampla ol tokples long Papua Niugini olsem Kuanua kam long Rabaul.

Dispela nem Tok Pisin i kam long Tok Inglis talk (i minim 'toktok') na pidgin (i minim 'toktok ol i yusim wataim namel ol pipol i nogat wankain tokples'). Sampla manmeri i tingting olsem hap tok pidgin i kamap long hap tok business (i min bisnis) long taim bipo tru.

Tok Pisin em i wanpela tokples blong Gavman blong Papua Niugini (wantaim Tok Inglis na Hiri Motu). Antap long 2 milien manmeri save yusim Tok Pisin insait long Papua Niugini. Ol i yusim Tok Pisin long Haus Palamen, na long lokol gavman, na long sampela ol elementari skul.

Tok Pisin i helpim tru ol lain long Papua Niugini, blong wanem i gat planti tokples long PNG - moa yet long olgeta narapela kantri long wol.

Tok Pisin, Bislama na Pijin kam long wanlain. Bislama i stap wanpla toktok blong Vanuatu, na Tok Pijin blong Solomon Ailans, tasol ol tripela i stap liklik narakain long wanwan narapla. Narapla toktok i klostu Tok Pisin i stap Torres Strait Creole wanem i tokim long Torres Strait, Queensland (Kwinslend), Ostrelia. Tasol em i nogat long klostu olsem Bislama na Pijin poret Tok Pisin.

Lukim tu[senisim | edit source]