Barraba
| Barraba | |
|---|---|
| — Viles — | |
| Barraba | |
 |
|
 |
|
| Coordinates: 30°22′42″S 150°36′38″E / 30.37833°S 150.61056°E | |
| Established | ol yia 1850 |
| Government | |
| - Type | Tamworth Regional Council |
| - Mayor | Col Murray |
| Elevation | 500 m (1,640 ft) |
| Manmeri (2016) | |
| - Total | 1,410 [1] |
| - Tokples | Tok Inglis |
| Time zone | AEST (UTC+10) |
| - Summer (DST) | AEDT (UTC+11) |
| Area code(s) | 02 |
| Website | (long Tok Inglis) https://barraba.com.au/ |
Barraba i viles long Niu Inglan rijon long Niu Saut Wels long Ostrelia. Bipo viles i bikples bilong distrik Barraba Shire. Viles na distrik i joinim wantaim distrik bilong Tamworth Regional Council long 2004. Barraba i stap long 'Bikpela Eria bilong ol Balus bilong Bundarra na Barraba'. Dispela eria i sambai bus bilong balus Regent Honeyeater (Anthochaera phrygia) em i balus no stap tumas.
Barraba i stap 477 kilomita notwes long Sidni, 548 kilomita sautwes long Brisbin, na 90 kilomita not long Tamweth em i biktaun klostu winim bilong olgeta.
Wara Manilla i ran arere long viles. Barraba i stap long rot Fossickers Way na i stap long ol maunten Nandewar Range.
Histori
[senisim | edit source]Manmeri Aborijini, ol Kamilaroi, i stap long ples bipo ol Yuropen i kamap.[2] Namba wan Yuropen em i kam long dispela distrik i Allan Cunningham em i bin kamap long ples long 1827.[3] Em i bin man bilong painim nupela ples na saveman i laik kisim save long ol gutpela diwai bus samting. Ol i kirapim namba wan fam, Barraba Station, pinis long distrik long 1837 o 1838.[2][4] Ol i makim ples long viles pinis long 1852.[5]
Painimaut long gol i bin kamapim viles.[5] Ol i kirapim namba wan pos opis pinis long 1856[6] na ol i kirapim namba wan skul pinis long 1861.[2] Ol i wokim namba wan lotu Angliken pinis long 1876[4] na ol i kirapim namba wan beng pinis long 1876 tu.[4] Ol i wokim namba wan hotel, Commercial Hotel, pinis long 1878[4] na ol i wokim haus kot pinis long 1881.[4] Ol i tokautim Barraba viles long 1885.[4][5] Ol i wokim haus sik pinis long 1885[4] na ol i wokim namba wan lotu Metodis pinis long 1898.[4]
Ol i kamapim niuspepa bilong ples, The Barraba Gazette, long 1900.[4] Ol i wokim lotu Katolik pinis long 1906.[4] Rot bilong tren i kamap long Barraba long 1908[7] tasol las tren i ran long Barraba long 1983 na ol i rot long tren pasim pinis long 1987.[8] Ol i wokim Banis bilong Wara bilong Connors Creek pinis long 1993 bilong kamapim wara saplai long viles.[4]
Ol main
[senisim | edit source]Bras
[senisim | edit source]Ol i painimautim bras (long tok Inglis: copper) pinis long Gulf Creek long 1889 na ol i kirapim namba wan bras main pinis long 1892. Gulf Creek i stap 22 kilomita notis long Barraba. Ol i kirapim liklik viles pinis em i bin gat hotel, skul, na pos opis. Dispela main i bin bras min em i bikpela winim olgeta long Niu Saut Wels bilong 1901 na liklik viles i bin gat 300 manmeri long en. Tasol ol i pasim dispela main pinis long ol yia 1930. Ol i pasim pos opis bilong liklik viles pinis long 1966. Ol i lusim liklik viles pinis.
Asbestos
[senisim | edit source]Ol i bin main asbestos kirap long 1919 i go inap long 1983 long Woodsreef em i liklik viles stap 15 kilomita is long Barraba. Ol i wokim main i go bikpela moa long 1974. Main i bin wokim 500,000 ton long waitpela asbestos.
Main i bin lusim 75,000,000 ton long waitpela asbestos na 25,000,000 ton long ol bikpela ston ol i bin no laik. Olgeta asbestos i kamarupim 43 hekta na hip i go inap 70 mita antap.[9]
Long 2008 nius bilong televisen i tok long wari long abestos em i ating mekim sik menmeri bilong Barraba.[10] Abestos Diseases Foundation of Australia ol i bin singaut long we gavman mas stretim ples bilong main. Ol i bin singaut long tu nogat manmeri i no inap i go long ples bilong main. Rot i bin go long hap ples bilong main tasol ol i pasim dispela rot pinis long 2013. Ol i lusim liklik viles pinis.
Helt sevis Hunter-New England Health i bin mekim stadi long ol problem bilong helt[9] tasol ol i no lusim dispela stadi yet.[11]
-
Asbestos main long Woodsreef -
asbestos -
laplap long asbestos -
sik long asbestos
Diatomit
[senisim | edit source]Ol i kirapim diatomit (long Tok Inglis: diatomite o diatomaceous earth) main pinis long 1982. Ol i yusim diatomit bilong wokim ol paura bom, ol pilta, ol polis long rubim, ol poisin bilong kilim i dai ol binatang, ol samting bilong stapim hot o kol i kam insait, long egrikulta, na pasin bilong wokim brik.
_Monterey_Formation_at_a_diatomite_quarry_just_south_of_Lompoc.jpg)
Ol ston em ol i pe i antap tru
[senisim | edit source]Man i inap painim plenti ston em i pe antap tru. Man i inap painim ol piksa bilong ston tu.
-
pyrite -
jasper -
garnet -
zeolite
Egrikalsa
[senisim | edit source]Ol fem bilong ples i gat bulmakau long mit, sipsip long mit na wul, o wit.
-
bulmakau long mit -
sipsip long mit na wul -
wit
Taim
[senisim | edit source]Ol taim bilong biksun long Barraba i hot na i ren. Ol taim bilong kol long Barraba i kol na i drai. De em i bin hot winim bilong olgeta i gat 41.8°C. De em i bin kol winim bilong olgeta i gat -9.4°C. Averes ren bilong wanpela yia i 688 milimita. De em i gat plenti ren i pundaun bilong winim olgeta i 25 Februari 1955. Long dispela de i bin gat 194.3 milimita.[12]
Wara saplai
[senisim | edit source]Bipo ol i wokim Banis bilong wara ol kolim Split Rock Dam pinis, manmeri bilong Barraba i kamautim wara long Banis bilong Wara ol i kolim Connors Creek Dam, long liklik wara Barraba (Barraba Creek), na long wara Manilla.[13] Taim ol dispela as i drai, manmeri bilong Barraba i bin kamautim wara long ol hul wara.[14]
Ol i wokim Banis bilong wara ol i kolim Split Rock Dam pinis long 1988, na ol i wokim bikpela mambu bilong wara pinis kirap long banis bilong wara i go inap long viles long 2015.
.JPG)
Ol piksa
[senisim | edit source]-
Queen Street i bikrot long Barraba -
Haus kot, Barraba -
Commercial Hotel, Barraba -
lotu Angliken, Barraba -
lotu Metodis, Barraba -
lotu Katolik, Barraba -
taua bilong klok, Barraba -
namba wan beng, Barraba
Long intanet (long Tok Inglis)
[senisim | edit source]Refrens
[senisim | edit source]- ↑ 2016 Census QuickStats – Barraba (State Suburb). Australian Bureau of Statistics (6 July 2018). Retrieved on 18 August 2018.
- ↑ 2.0 2.1 2.2 "Barraba". Sydney Morning Herald Traveller. 13 November 2008. Retrieved 14 November 2011.
- ↑ Barraba. Visit Tamworth. Tamworth Regional Council. Retrieved on 14 November 2011.
- ↑ 4.00 4.01 4.02 4.03 4.04 4.05 4.06 4.07 4.08 4.09 4.10 Barraba Dateline. Barraba NSW – The Community Website. Archived from the original on 17 March 2012. Retrieved on 14 November 2011.
- ↑ 5.0 5.1 5.2 Boileau, Joanna (February 2007). Thematic History of Nundle, Manilla and Barraba 124–125. Tamworth Regional Council. Retrieved on 14 November 2011.
- ↑ Post Office History. Post Office List – NSW. Premier Postal Auctions. Retrieved on 14 November 2011.
- ↑ "THE BARRABA RAILWAY". The Sydney Morning Herald. National Library of Australia. 22 September 1908. p. 7. Retrieved 15 November 2011.
- ↑ Bozier, Rolfe. Barraba Branch. NSWrail.net. Retrieved on 15 November 2011.
- ↑ 9.0 9.1 Woodsreef Asbestos Mine Site Rehabilitation Private Members Statement, 29 August 2008. Templet:Webarchive
- ↑ Abandoned asbestos mine causes community outrage
- ↑ Woodsreef health report under wraps Templet:Webarchive
- ↑ Basic Climatological Station Metadata – Barraba Post Office. Bureau of Meteorology. Retrieved on 16 November 2011.
- ↑ Barraba Water Supply Templet:Webarchive
- ↑ Barraba's water supply critical